Гүл өз жерiнде ғана — гүл,
адам өз отанында ғана — адам!
ТӨРТҮЙ АУЫЛЫНЫҢ ТАРИХЫ
ТӨРТҮЙ
Төртүй – Екібастұз ауылдық округінің орталығы. Екібастұз қаласынан солтүстік-батысқа қарай 60 шақырым жерде орналасқан.Төртүй ауылының аймағы ғасырлар тарихын сақтаған жер. Ата-бабаларымыздың ертедегі қоныс орындары мен бейіттер сыры қызықтырып келген жер. Ресей мемлекетінің отары болып қалыптасқан еліміз қазан төңкерісінен кейін тағы бір жаңаша өмір бастауға мәжбүр болды. Бостандыққа жетті деп түсінген шаруалар Төртүй тұрған орынға төрт шаңырақтың қазығын қадады. Иелік етіп қоныс той жасады. Осы төрт үйде Қожахмет, Рахмет, Түсіп, Молдахмет аталарымыз тұрып, мал өсіріп тұрақтанды.
1929, 1930, 1954 ЖЖ
Ұмтылмас оқиғаға айналған 1929 жылы осында орыс геологтары, инженерлері, жер мамандары келіп, мақсатты жұмыстарын бастап кетті. Олар жер бұрғылап, тұщылау су іздеп, топографиялық карта жасады. Сөйтіп, жаз айында «Ақжар» деп аталатын колхоз дүниеге келді.
1929 жылы Кеңес Үкіметі құрылғаннан кейін колхозды Төртүй ауылына қарай көшірді. Бұл ауылға ең бірінші И.В. Сталин есімі берілді.
1930 жылы бұл өңірде «Екібастұз» атты совхоз ұйымдастыруға үкімет қаулысы қабылданды.
1954 жылы Екібастұз совхозының экономикасын дамытуға тың және тыңайған жерлерді игеру жұмыстары басталды.
Қонақжай
кітап
1999, 2013 ЖЖ
ҚР Тәуелсіздік алғаннан кейін елімізде көптеген өзгерістер болды. Егеменді ел боламыз деп алға бел бұрдық. Бұл жағдайлар Кеңес дәуірінде дүрілдеп тұрған Екібастұз совхозына әсерін тигізді. 1999 жылдың 29 мамырында Екібастұз совхозы Екібастұз ауылдық округі болып құрылды. «Төртүй» аты қайта алынды. 2013 жылдың 4 шілдесіндегі Екібастұз қаласы әкімінің № 646/7 Қаулысы негізінде «Екібастұз қаласы Өлеңті ауылдық округі әкімінің аппараты» мемлекеттік мекемесін «Екібастұз қаласы Екібастұз ауылдық округі әкімінің аппараты» мемлекеттік мекемесіне қосу арқылы қайта құрылды.
ЕКІБАСТҰЗ АУЫЛДЫҚ ОКРУГІНІҢ
Екібастұз ауылдық округінің құрамына Төртүй, Ақши, Мыңтомар, Қаражар, Тай, Көксиыр, Талдықамыс ауылдары кіреді. Екібастұз ауылдық округі бойынша мал шаруашылығымен айналысатын 46 шаруа қожалықтары және 2 жауапкершілігі шектеулі серіктестігі ұйымдастырылған.
